zindagi

kya khabar thi ki zindagi itni jald karvat badlegi. aapko kya bataoo kal ki si baat lagti hai, kiti jaddojahad ke baad maine school ki padai ki hai ye batati hoon aapko..abhi main clas 5th me thi, subah jaldi uthne ki to kambakhat kabhi aadat hi nahi rahi...majaal hai ki 8 baje se pehle pehli neend toote...darasal mera school 9:30 pe shuru hota tha...ab baat karte hai taiyaari ki...school jaate waqt mujhe aaj tak kabi bhi apni tie aur socks nahi milte the...aur na milne pe gussa uttarta tha jimmy(mera doggie) pe ya to maa ke samne badbadaa kar kitchen ke ird girg ghoomte rehti thi....hota kuch aisa tha ki shaam ko school se wapas aane ke baad masti me socks, belt aur tie kamre me chahu oar pheki jaati thi, is baat se bekhabar ki kal phir in sadhano ki zaroorat pad sakti hai...khair ab inse kya fayda...school ke liye der ho rahi hai...ab news channel me dikhaye jane wale natya roopantaran/recreation ki tarah mai bhi sham ke scene ka action replay kar ke dekhti hoon tab samazh aata hai ki right pe belt aur left pe socks pheke gaye the...investigation ka doora padhav hai un directions me dhoondna...tab bed ke peeche se dhool me lipti socks ek golak aakar me milti hai aur belt to maashaallah kitabo ki sabse upar wali shelf per latki milti hai.....ab aap samajh gaye honge ki maine kitni mehnat se school attend kiya hai....